म्हाजी पाळी तुजी आफड - कवी - प्रणिता रेडकर

तुजी आफड 

म्हाका तूं आफडूं नाका

राती वेळार हुमऱ्या भायर वचूं नाका 

तुजी आफड 

कसल्याच वस्तूंक हात लावं नाका

घरभर भश्टकार करूं नाका

तुजी आफड

देवा म्हऱ्यांत वचूं नाका

देवाचो प्रसाद खावं नाका

तुजी आफड 

आयदनां वेगळीं दवर 

हातार कितें घालता तेंच भोकर 

तुजी आफड 

हें कर

तें करूं नाका 

हय पाळी म्हाजी 

पूण भश्ट न्हय ती 

देवळांतली देवी जी

घरांतली नारी ती 

देवी बसता कळशेंत जे

जीव जगता कुसव्यांत  ते

घरांत म्हणटात जर भश्ट अस्तुरेक  

देवळांत भश्टकार जाता दर देवतेक

भश्टें म्हाजें रगत जर 

रगतांत जगपी तूंय भश्टच तर.

कवी - प्रणिता रेडकर 

(हडफडें, बार्देस-गोंय)

गोंय विद्यापीठ