अस्तुरी - कवी - दिपा नित्यानंद नायक

हांव एक अस्तुरी

दिसान दीस जाता 

म्हजो  छळ

खंय ना खंय तरी

 

म्हजेर कोसळिल्लो

दुख्खाचो दोंगर

पयस हांव करूंक सोदतां

पूण हो समाज म्हाका

त्याच दोंगरा पोंदां चेपूंक सोदता

 

दुख्ख म्हजें हांवूंच

पयस करूंक सोदतां

कित्याक तुमी म्हाका

त्या दुख्खाची जाणीव 

पावला कणकणीं करून

दिवपाक सोदतात?

CREDIT: Manisha Yadav

कोणूय सांगूंक शकता

कितें चुकलां म्हजें?

कित्याक दिवपाक सोदतात

तुमी म्हजेर आनीक एक

दुख्खाचें वजें?

 

केन्ना थांबतलो हो छळ?

थांबतलो, काय चालूच उरतलो?

केन्ना बदलतलो हो समाज ?

केन्ना म्हाका आशेचें किरण दिसतलें?

 

 

कवी - दिपा नित्यानंद नायक