तीं खतां - आकृती नायक

अचकीत कोणाचे नजरेंत 

एक तांबडोच डाग दिसलो 

फुड्यांत वचून पळयलें जाल्यार 

एका चलयेच्या कपड्यार सांपडिल्लो.. 

आकूळ-पिकूळ केलें 

त्या एका खतान 

जगचें वा मरचें 

आबूज जाल्लें ह्या खंतान..

एका डागाच्या आगमनान 

ताचें आयुश्य बदिल्ले 

त्या काळांतली ती जीण 

केन्नाच संवकळीची नाशिल्ली.. 

पोटांत तें वळप

फाटींत तें चडप 

रक्ताचो तो व्हाळ 

दर म्हयनाक व्हांवप.. 

सर्जनतेचो आदारस्तंभ 

तरी लेगीत दुशीत 

पिळगेची बुन्याद घालपी 

तरी लेगीत भश्टी..

देवळांतल्या देवी फुड्यांत 

नमळायेन वागता 

घरांतल्या लक्ष्मीक मात 

अन्यायान वागयता.. 

जाग गे नारी, जाग

समाजांतल्या कणाकणांतल्यान जाग

एका आवाजान तुज्या 

हाड सगळ्यांक जाग...

- आकृती नायक